ការិយាល័យនិពន្ធ 097 428 4444

ដោយ% អ្នកយកការណ៍

តាកែវ៖ យោងតាមប្រភពបែកធ្លាយមកថា លោក ងោល សុខេង អធិការរងនគរបាលស្រុកសំរោងទទួលផែនអក្សរសម្ងាត់មិនសូវចូលបំពេញការងារក្នុងអធិការដ្ឋាននគរបាលស្រុកសំរោង ប៉ុន្តែគាត់បែរជាដើរធ្វើមេបាញ់មេអាប៉ោងតាមវង់ល្បែងនានាក្នុងខេត្តតាកែវយ៉ាងរលូនគ្មានការអធិការកិច្ចពីលោក ភី ឆុន អធិការស្រុកសំរោងឡើយ ។ នេះបើតាមប្រភពព័ត៌មានពីប្រជាពលរដ្ឋដែលខ្សឹបឲ្យបណ្ដាញសារព័ត៌មាន ដឹងនៅថ្ងៃទី២៦ ខែមករា ឆ្នាំ២០២៣។

ប្រភពបន្តថា លោកអធិការរងរូបនេះ តែងដើរបាញ់ធ្វើមេអាប៉ោងតាមអំពើចិត្តព្រោះរូបលោកបានគិតគូរជាមួយលោក ភី ឆុន អធិការស្រុកសំរោង និងលោកហុិន សុខេង ស្នងការរងទទួលផែនព្រហ្មទណ្ឌ័នៃស្នងការនគរបាលខេត្តតាកែវរួចរាល់ហើយ ទើបលោកហ៊ានដើរបាញ់មេអាប៉ោងតាមវង់ល្បែងបានតាមអំពើរចិត្តបែបនេះ ? ។
តាមប្រភពពីពលរដ្ឋបានបន្តថា គាត់បានថតជាប់រូបលោក ងោល សុខេង អធិការងខាងលើ កំពុងអង្គុយបាញ់មេអាប៉ោងនិងសុីសងលុយរាប់សិបលានរៀលនៅស្រុកបាទី ខេត្តតាកែវ។ ប៉ុន្តែលោក ភី ឆុន អធិការនគរបាលស្រុកសំរោងបានឆ្លើយបដិសេដថា លោកអត់បានដឹងរឿងហ្នឹងទេ ព្រោះជារឿងផ្ទាល់ខ្លូនរបស់បុគ្គល។
ចំណែកលោក ងោល សុខេង អង្គភាពយើងមិនអាចធ្វើការទំនាក់ទំនងបានទេដោយគ្មានលេខទូរសព្ទ។ទោះយ៉ាងណាអង្គភាពយើងនឹងធ្វើការបកស្រាយរាល់ម៉ោងធ្វេីការ។
ជាមួយគ្នានោះ ប្រជាពលរដ្ឋសំណូមពរដល់លោក ឈៀង ផាន់ណារ៉ា ស្នងការនគរបាលខេត្តតាកែវមេត្តាជួយត្រួតពិនិត្យករណីលោក ងោល សុខេងអធិការរងអក្សរសម្ងាត់ តែជំនាញធ្វើមេអាប៉ោងខាងលើនេះផងទាន ដើម្បីកុំមានប្រភេទមន្រ្តីគ្រប់ល្ពៅស៊ីប្រាក់ខែរាស្រ្ត មិនបំរើរការជូនរដ្ឋ ដើរប្រព្រឹត្តអំពើរល្បែងពាលាអាវ៉ាសែបែបនេះធ្វើឲ្យខូចដល់មន្រ្តីស្អាតស្អំផ្សេងទៀត ? ៕