រាជធានីភ្នំពេញ៖ ទីតាំងបើកលេងល្បែង
ស៊ីសងខ្នាតកាស៊ីណូ មានបៀការ៉ាត់ បាល់ ជាដើម កំពុងតែបើកដំណើរការយ៉ាងរលូនក្នុងនៅភូមិព្រៃទា ផ្លូវលេខ ១១៣ បុរីញូវថោន សង្កាត់ ចោមចៅ ទី៣ ខណ្ឌពោសែនជ័យ រាជធានីភ្នំពេញ ។
តាមប្រភពពីប្រជាពលរដ្ឋ សុំមិនបញ្ចេញឈ្មោះ បានអោយដឹងថា មានទីតាំងល្បែងស៊ីសង ប្រភេទកាស៊ីណូស្ថិតនៅសង្កាត់ខាងលើ ដោយមិនទាន់មានសមត្ថកិច្ចនៅក្នុងមូលដ្ឋានចុះធ្វើការបង្ក្រាបឡើយ ។
យោងតាមប្រភពព័ត៌មាន បានឲ្យដឹងថា៖ ទីតាំងអុីនធឺណិតបានបើកដំណើរការទទួលជនញៀនល្បែងយ៉ាងអនាធិបតេយ្យ (ពោលគឺ) ក្នុងមួយថ្ងៃបើក ២៤ម៉ោង និង៧ថ្ងៃក្នុងមួយសប្តាហ៍ និងសម្បូរដោយជនចម្លែកៗចូលទៅលេង! ចំណែកឯមន្ត្រីពាក់ព័ន្ធថ្នាក់មូលដ្ឋានសម្ងំស្ងៀម។
ប្រពលរដ្ឋនិងមហាជនជាច្រើនសំណូមពរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងឯកឧត្តម ស ថេត អគ្គស្នងការរង និងជាស្នងការរាជធានីភ្នំពេញ សូមមេត្តាចាត់កម្លាំងជំនាញចុះត្រួតពិនិត្យនិងបង្ក្រាបទីតាំងបនល្បែងស៊ីសងខាងលើនេះផង។
នៅព្រឹកថ្ងៃទី១០ ខែសីហា នេះក្រុមការងារយើងមិនអាចរកបំភ្លឺពី លោក ម៉ន វុទ្ធី អធិការខណ្ឌពៅធិ៍សែនជ័យបានទេ ។
