ក្រចេះ៖កម្លាំងចម្រុះដឹកនាំដោយលោក អ៊ួង សម្បត្តិ អភិបាលរងស្រុកចិត្របុរីនិងសម្របសម្រួលដោយ លោក ទុក វិនីត ព្រះរាជអាជ្ញារងសាលាដំបូងខេត្តក្រចេះបានចុះបង្រ្កាបទីតាំងស្តុកសត្វសារិការកែវវងជិត១ពាន់ក្បាលដែលគ្រុមឈ្មួញបំរុងនាំចេញទៅលក់នៅប្រទេសវៀតណាម។ ហេតុការចុះបង្រ្កាបនេះបានធ្វើឡើងកាលពីវេលាម៉ោង៩និង៣០នាទី ថ្ងៃទី០៣ ខែឧសភាឆ្នាំ ២០១៧ នៅចំនុចភូមិ ព្រែកសាម៉ាន់ ឃុំ បុសលាវ ស្រុក ចិត្របុរី ខេត្តក្រចេះ។
លោក អ៊ួង សម្បត្តិ អភិបាលរងស្រុកចិត្របុរីបានឲ្យដឹងថាប្រតិប័ត្តការនេះរួមមានកម្លាំងជំនាញរដ្ឋបាលព្រៃឈេីនគរបាលខេត្តកម្លាំងអាវុធហត្តហេីយបាន រិបអូសបានសត្វសារិការកែវវងប្រមាណជិត១ពាន់ក្បាល ដែលពួកក្រុមឈ្មួញស្តុកទុកបំរុងយកទៅលក់នៅប្រទេសវៀតណាមតែអស់លក្ខ័ត្រូវសមត្ថកិច្ចចម្រុះធ្វេីការបង្រ្គាបរឹបអុសយកតែម្ដង។
លោក អីុវ ហាក់ នាយរងសង្កាត់រដ្ឋបាលព្រៃឈេីកន្ទួតបានឲ្យដឹងថាម្ចាស់ផ្ទះដែលស្តុកសត្វសារិការកែវវងនោះមានឈ្មោះ ពក ណេង ភេទ ប្រុស រស់ នៅទីតាំងកេីតហេតុខាងលេី ពេលសមត្ថកិច្ចចុះបង្រ្កាបបានរត់គេចខ្លួនបាត់ បន្សល់ទុកនូវវត្ថុតាងត្រូវបានកម្លាំងជំនាញរឹបអូសមានសត្វសារិកាកែវប្រមាណជិត១០០០ក្បាលយកទៅរក្សាទុកបណ្ដុះអាសន្ននៅសង្កាតរដ្ឋបាលព្រៃឈេីកន្ទួតហេីយនិងធ្វេីកំណត់ប្រលែងឲ្យសត្វទាំងនេះមានសេរីវិញ៕ រាយការណ៍ ដោយ៖ សុខខូន
