ខេត្តរតនគិរី៖ប្រជាពលរដ្ឋទូទាំងក្រុងបានលុង និងអ្នកទេសចរណ៍ជាតិនិងអន្តរជាតិបានរអ៊ូររទាំថា ចាប់តាំងពីថ្ងៃមុនចូលឆ្នាំគឺថ្ងៃទី១២ខែមេសាឆ្នាំ២០១៧ រហូតមកដល់ ថ្ងៃទី ២០ ខែ មេសា ឆ្នាំ២០១៧ នេះគេសង្កេតឃើញក្នុងក្រុងបានលុងពោពេញទៅដោយសំរាមស្អុយគរពេញផ្លូវបង្កផលប៉ះពាល់ដល់សុខភាពរបស់ពួកគាត់ជាខ្លាំង ។ ពួកគាត់បន្តរិះគន់ទៀតថា ក្នុងក្រុងបានលុងមានអាជ្ងាធរក្រុង និងក្រុមម៉ៅការសំរាមរបស់លោកជា គួង មិនទាន់បានប្រមូលសំរាមដឹកចេញនៅឡើយទេគឺទុកអោយស្អុយពេញតែក្រុងនោះតែម្តង ធ្វើអោយអាជីវករ និងភ្ញៀវជាតិ អន្តរជាតិ ដែលចូលមកទិញ និងលក់ នៅក្នុងផ្សារបានលុងបានស្អុយផ្ទុកច្រមុះគ្រប់តែគ្នា។
បញ្ហារសំរាមដែលស្អុយរលួយខាងលើនេះពុំឃើញមានខាងក្រុមហ៊ុនម៉ៅការប្រមូលសំរាមយកទៅចោរទេ ដោយសំរាមទាំងនោះបានដាក់រាយបាយតាមផ្លូវសាធារណះ បេនឡាន និង មុខផ្សារជាដេីម។
ប្រជាពលរដ្ឋសំណូមពរលោក លោក ងិន ណែល ដែលជាអភិបាលក្រុងបានលុង និង លោកផុន ខេមរិន្ទ ប្រធានមន្ទីបរិស្ថានខេត្តរតនគិរី គិតគូរអំពីបញ្ហារសំរាមខាងលេីនេះផង ក្រែងមានជម្ងឺផ្សេងៗដល់ប្រជាពលរដ្ឋរស់នៅក្បែរនោះដោយយថាហេតុ ដោយសារតែសំរាមស្អុយរលួយពេញក្រុងបានលុងនោះ ហើយជាមុខមាត់របស់ខេត្តផងដែរ៕
