ប៉េកាំង៖ចិនបានប្រញាប់បញ្ជូនកងទ័ព២៥០០០នាក់បន្ថែមទៀតឲ្យរៀបរបៀប សឹកនៅតាមព្រំដែនកូរ៉េខាងជើងនៅពេលប្រទេសកំពុងស្ថិតក្នុងស្ថានភាពប្រុងប្រយ័ត្នទូទាំងប្រទេសនៅចំពេលភាពតានតឹងរវាងកូរ៉េខាងជើងនិងអាមេរិក កំពុងឡើងកម្តៅ។
ទីភ្នាក់ងារ សារព័ត៌មានUPI បានរាយការណ៍ថាយុទ្ធភូមិភាគទាំង៥ តំបន់របស់ចិនត្រូវបានបញ្ជាដោយទីក្រុងប៉េកាំងឲ្យត្រៀមខ្លួនសម្រាប់លទ្ធភាពកើតមានជម្លោះនៅតាមព្រំដែនជាមួយកូរ៉េខាងជើងរបស់លោក គឹម ជុងអ៊ុន។ កងពលតូចថ្មើរជើងយន្តសាស្ត្រនិងអាវុធាគាររបស់ចិននៅខេត្តហ្សេនដុង និងយូណាន ត្រូវបានទទួលបញ្ជាមុនគេ។
កងទ័ពចិនត្រូវបានដាក់ពង្រាយទៅដល់ឧបទ្វីបកូរ៉េ។ចិនបានបញ្ជូនកងទ័ពចំនួន១៥០០០០នាក់ទៅកាន់ព្រំដែនកូរ៉េខាងជើងកាលពីអាទិត្យ។អាមេរិកនិងកូរ៉េខាងត្បូងបានធ្វើសមយុទ្ធរួមគ្នាជុំវិញឧបទ្វីបកូរ៉េ។
នាវាផ្ទុកយន្តហោះចម្បាំង USSCarlVinson ត្រូវបានដាក់ពង្រាយនៅឧបទ្វីបកូរ៉េជាការបង្ហាញកម្លាំងសាច់ដុំដាក់ទីក្រុងព្យូងយ៉ាងដែលបានសាកល្បអាវុធនុយក្លេអ៊ែរ និងមីស៊ីល។
លោកប្រធានាធិបតីស៊ីជិនពីងបានប្រាប់លោកដូណាល់ត្រាំថាចិនត្រូវការដំណោះស្រាយសន្តិភាពអំពីបញ្ហាកូរ៉េខាងជើង។កូរ៉េខាងជើងត្រៀមបាញ់សាកល្បងអាវុធក្លេអ៊ែរលើទី៦។/
