មាតិការព័ត៌មានថ្មីៗ
Search
ការិយាល័យទំនាក់ទំនង: ភូមិពូនភ្នំ ឃុំ ត្រពាំងសាប ស្រុុកបាទី ខេត្តតាកែវ |  ចាងហ្វាងការផ្សាយ :  ស៊ិន វណ្ឌី  | លេខទំនាក់ទំនង: 077 798 333 / 097 428 4444 / 016 853 699 | អ៉ីម៉ែល: nyk.news@yahoo.com | កម្មវិធីទូរទស្សន៍អនឡាញ អិនវ៉ាយខេ: www.facebook.com/nyktvonline/

ពេទ្យភ្នែកហេងស៊យ,សូមបងប្អូនប្រជាពលរដ្ឌប្រយត្ន័ផង!

ស្ត្រីម្នាក់គ្រាន់តែឈឺភ្នែកមួយចំហៀង មកមន្ទីរពេទ្យភ្នែក ដុកទ័រ គង់ ពិសិដ្ឋ នៅសង្កាត់ទឹកល្អក់ទី១ខណ្ឌទួលគោក រាជធានីភ្នំពេញ ស្រាប់តែពេទ្យមិនដឹងចាក់ថ្នាំអ្វីខុសនោះទេ ក៏បណ្តាលឲ្យស្លាប់តែម្ដង!

ភ្នំពេញ៖ ស្រ្តីម្នាក់ដែលគេដឹងថាគាត់គ្រាន់តែឈឺភ្នែកមួយចំហៀង ត្រូវបានស្លាប់នៅ​ពេលដឹកបន្តទៅព្យាបាលនៅមន្ទីពេទ្យកាល់ម៉ែត បន្ទាប់ពីបាន​ចាក់​ថ្នាំព្យា​បាល​ភ្នែក​នៅ​មន្ទី​រពេទ្យឯកជន​ ​ឈ្មោះ​ ​មន្ទីរពេទ្យ​ភ្នែក ដុកទ័រ គង់​ ពិសិដ្ឋ មានទីតាំងនៅផ្ទះលេខ១០៨ ផ្លូវលេខ១១០ សពេង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ កាលពីល្ងាចថ្ងៃទី០៥ ខែកញ្ញា ឆ្នាំ២០២០នេះ។

បើយោងតាមប្រភពពីសាច់ញ្ញាតិ​ជន​រងគ្រោះបាន​ប្រាប់​អ្នកសារព័ត៌មានថា ជនរងគ្រោះ​ មាន​ឈ្មោះ សាវន ​បច្ចុប្បន្ន​ស្នាក់នៅ​ម្ដុំបឹង​សាឡាង រាជធានីភ្នំពេញ មាន​ស្វាមី​ជា​អ្នក​លក់​សាច់​គោ។សាច់ញ្ញាតិ​ជន​រងគ្រោះ បាន​រៀប​រាប់ទៀតថា ប្អូន​របស់​ខ្លួន​មាន​ជំងឺ ភ្នែកទើប​មក​ទទួល​សេវា​ព្យាបាល​នៅ​មន្ទី​ពេទ្យ​ភ្នែក ដុកទ័រ គង់​ ពិសិដ្ឋ ប៉ុន្តែក្រោយ​ពេល​ចាក់​ថ្នាំតាមការណាត់ស្រាប់​តែជន​រងគ្រោះ​ បានប្រតិកម្មជាមួយថ្នាំបណ្ដាលឲ្យ​គាំង​បេះ​ដូង​ស្លាប់។ សាច់ញ្ញាតិជនរងគ្រោះបានឲ្យដឹងទៀតថាតថា ពេល​នេះ​ក្រុម​គ្រួសារ​បាន​ព្រម​ទទួល​សំណង​ពី​ខាងមន្ទី​ពេទ្យ​ដោយ​ទទួល​បាន​សំណង​ ចំនួន៨,០០០ដុល្លារ។ រីឯសពត្រូវបានក្រុមគ្រួសារទទួលយកទៅល​យក​ទៅ​ធ្វើ​បុណ្យ​តាម​ប្របៃណី នៅ​ស្រុកក្រគ ខេត្តពោធិ៍សាត់។

តែទោះបីជាយ៉ាងនេះក្ដី មហាជនស្នើសុំឱ្យឯកឧត្ដម ម៉ម ប៊ុនហេង រដ្ឋមន្ត្រីក្រសួងសុខាភិបាលចាត់មន្ត្រីជំនាញចុះពិនិត្យទីតាំងមន្ទីរពេទ្យឯកជនឈ្មោះ មន្ទី​ពេទ្យ​ភ្នែក ដុកទ័រ គង់​ ពិសិដ្ឋ និងមានវិធានការផ្លូវច្បាប់ផង ព្រោះជីវិតមនុស្សអត់មានលក់នៅលើទីផ្សារទេ៕

បញ្ជាក់៖ ហាម​យក​​ព័ត៌មាន​​ទៅចុះផ្សាយ​បន្ត​ដោយគ្មាន​ការអនុញ្ញាត​​បើពុំ​នោះ​ទេ​ យើង​នឹង​ចាត់​​វិធាន​​ការ​​​ទៅ​​តាម​​នីតិវិធីច្បាប់​​​..!!




Leave a Reply

Your email address will not be published. Required fields are marked *