ខេត្តព្រៃវែង៖ ក្រោមក្រសែភ្នែកដ៏ធូររលង់របស់សមត្ថកិច្ចខេត្តព្រៃវែងធ្វើឲ្យកើតមានបទល្មើសស្ទើរគ្រប់ប្រភេទក្នុងនោះផងដែរ អង្គភាព NYK ទើបតែទទួលបានសេចក្តីរាយការណ៍មកថា មានបទល្មើសល្បែងស៊ីសងប្រភេទល្បែងមានជល់ និងអាប៉ោងក្នុងភូមិឃុំរបស់ពួកគាត់ដែលកំពុងតែធ្វើឲ្យពួកគាត់មានក្តីព្រួយបារម្ភ ដោយសារតែពួកគាត់បានឃើញគេបើកល្បែងបញ្ជល់មាន់ និងអាប៉ោងចំនួនមួយកន្លែងកើតមាននៅចំនុចឡចាស់ខាងជើងផ្សារស្នាយពុលប្រហែល ៥០០ម៉ែត្រ ក្នងឃុំរការ ស្រុកពារាំង បានបើកដំណើការលេងជារៀងរាល់ថ្ងៃតែម្តង។ ពួកគាត់លើកឡើងថា ល្បែងមួយកន្លែងនេះអាចបង្ករឲ្យមានការភ័យខ្លាចកើតមានអំពើចោរកម្មលួចប្លន់កើតឡើងក្នុងមូលដ្ឋាន ហើយក៏បង្កឲ្យមានអំពើហិង្សាក្នុងគ្រួសារ ព្រោះតែចាញ់ល្បែង និងសូមឲ្យសមត្ថកិច្ច មេត្តាមានវិធានការចុះបង្ក្រាបផងដែរ។
ប្រជាពលរដ្ឋរស់នៅឃុំរការម្នាក់សូមមិនបញ្ចេញឈ្មោះ ប្រាប់ឲ្យដឹងនៅល្ងាចថ្ងៃទី៩ មីនា ២០១៩ នេះថា គាត់បានឃើញមានទាំងឡានមន្រ្តីរាជការ អ្នកឃុំរការ និងអ្នកភូមិមួយចំនួនទៀតមកពីស្រុកឆ្ងាយៗ បាននាំគ្នាជិះម៉ូតូដោយមានទាំងបាវច្រកមាន់ដាក់ក្នុងកន្ត្រកថែមទៀត បានយកម៉ូតូទៅផ្ញើនៅតាមផ្ទះអ្នកភូមិ រួចបាននាំគ្នាដើរតម្រង់មករកសង្វៀនបញ្ជល់មាន់ នៅចំណុចឡរចាស់ខាងជើងផ្សារស្នាយពុុល ប្រហែល៥០០ម៉ែត្រដែលកំពុងតែបើកលេងមានចម្ងាយមិនឆ្ញាយប៉ុន្មានពីសាលាឃុំរការឡើយ ។
ប្រជាពលរដ្ឋនៅឃុំ រកា ប្រាប់បន្តឲ្យដឹងទៀតថា សកម្មភាពលេងល្បែងបញ្ជល់មាន់នេះ បានកើតឡើងជាច្រើនថ្ងៃមកហើយ កន្លងមកធ្លាប់បានផ្អាក តែមួយរយះចុងក្រោយនេះគេឃើញបើកឡើងវិញហើយ ព្រមទាំងបានបើកលេងជារៀងរាល់ថ្ងៃទៀតផង។ គឺមានមនុស្សមកលេងកាន់តែច្រើន
ឡើងៗ ជាមួយនោះអ្នកស្រុកពារាំង ក៏បានលង់ខ្លួនវេចលុយយកទៅលេងល្បែងបញ្ជល់មាន់ និងអាប៉ោងធម្មតា ល្បែងលេងតែងតែឈ្នះ និងចាញ់ហើយ តែភាគច្រើនចាញ់តែម្តងកម្រនឹងឈ្នះណាស់។ មានអ្នកខ្លះបានទៅស៊ីឈ្មួលធ្វើចម្ការបានលុយ១០ម៉ឺនរៀល មិនបានយកមកឲ្យប្រពន្ធនោះទេ គឺបែរជាយកទៅលេងល្បែងទៅវិញ ទាំងនេះបានធ្វើឲ្យស្ថានភាពជីវភាពគ្រួសារកាន់តែជួបនឹងបញ្ហាដុនដាបទៅៗ បន្ទាប់មក
នឹងមានអំពើហិង្សាក្នុងគ្រួសារត្រូវកើតមានឡើង។ខ្លះទៀតចាញ់ល្បែងអស់លុយច្រើន និងបែកគំនិតចេញធ្វើសកម្មភាពលួចទ្រព្យអ្នកភូមិថែមទៀត ដើម្បីយកមកលេងល្បែងនោះ ហើយម្ចាស់សង្វៀនមាន់ជាអ្នកខេត្តព្រៃវែង
នេះត្រូវបានគេស្គាល់ឈ្មោះថា បូ ។
ប្រភពបានបញ្ជាក់ទៀតថា សង្វៀនញ្ជល់មាន់និងអាប៉ោងនៅចំណុចឡរចាស់ខាងជើងផ្សារស្នាយពុលមួយកន្លែងនេះបានបើកលេងបញ្ជល់មាន់ និងអាប៉ោងដែលមើលទៅរបៀបកាស៊ីណូ លេងដាក់លុយធំៗណាស់ តាមច្បាប់គេមិនអនុញ្ញាតឲ្យលេងនោះទេ។ តែអ្នកទាំងនោះសុទ្ធសឹងតែមានខ្សែ ក្នុងមួយថ្ងៃៗមានម៉ូតូផ្ញើជាច្រើនគ្រឿងឡើងណែនៗ មិនយូរទេនឹងចាត់ការក្រុមអ្នកបើកល្បែងទាំងនោះហើយ។ សូមបញ្ជាក់ថា ទីតាំងដែលបើកលេងល្បែងបញ្ជល់មាន់ និងអាប៉ោងនៅចំណុចឡរចាស់ខាងជើងផ្សាយស្នាយពុល ៥០០ម៉ែត្រ នេះមានម្ចាស់ឈ្មោះ បូ កំពុងតែសប្បាយនឹងល្បែងស៊ីសងហាក់បីដូចជាមិនខ្លាចញញើត ចំពោះសមត្ថកិច្ចទាល់តែសោះ៕
