ខេត្តតាកែវៈ សិស្សវិទ្យាល័យស្រុកគិរីវង់ជាង៤០០នាក់និងទទួលបានអត្តសញ្ញាណប័ណ្ណគំរូថ្មីឯកឧត្តម ឧត្តមសេនីយ៏ទោ សុខ សំណាង ស្នងការនគរបាលខេត្តតាកែវបានមានប្រសាសន៍ថា មន្ត្រីជំនាញចុះមកធ្វើអត្តសញ្ញាណប័ណ្ណដល់សិស្សសាលានៅវិទ្យាល័យគិរីវង់តែក្នុងនោះមានសិស្សចំនួន ៤០៣ នាក់ ស្រី១៩៧នាក់ ដើម្បីត្រៀមសម្រាប់ ការ បោះឆ្នោតនាពេលខាងមុខនេះ ។
ឯកឧត្តមបន្តថា មន្ត្រីជំនាញក្នុងពេលធ្វើ ត្រូវតែពិនិត្យអោយបាន ច្បាស់លាស់លើ អក្ខរាវិរុទ្ធដែលបំពេញលើតួអក្សរនៅក្នុងអត្តសញ្ញាប័ណ្ណ ជាមួយនិងសាមីខ្លួនអោយបានត្រឹមត្រូវ ដើម្បីជួយសម្រួលដល់សិស្សា នុសិស្ស ក្នុងការយកអត្តសញ្ញាណប័ណ្ណនេះទៅប្រើ ប្រាស់បានល្អ ប្រសើរ សម្រាប់ដាក់ពាក្យធ្វើការងារនៅថ្ងៃខាងមុខ អោយស្របជាមួយនិងសំបុត្រកំណើត និងសៀវភៅគ្រួសារ ជៀសវាងមានការខុសឆ្គង បង្ករការលំបាកដល់ពួកគាត់នៅថ្ងៃក្រោយ ។
ឯកឧត្តម បានជម្រុញអោយលោកមេឃុំ ធ្វើការស្នើមកសមត្ថកិច្ចជំនញ បើសិនជាទីណាមានពលរដ្ឋត្រូវការធ្វើអត្តសញ្ញាណប័ណ្ណច្រើន នៅលើទីតាំងណាក៏បាន រូបលោក និងចាត់អោយមន្ត្រីជំនាញចុះទៅធ្វើអត្ត សញ្ញាណប័ណ្ណដល់ទីនោះតែម្តង ជាការសម្រួលដល់ការងាររបស់ពួកគាត់ ៕
